Most Popular Posts

Tuesday 13 March 2012

                തെറ്റും ശരിയും ......
 
യഥാര്‍ത്ഥത്തില്‍ എന്താണ് സംസ്കാരം .സമൂഹ ജീവി ആയ മനുഷ്യന്‍ സമൂഹത്തില്‍ അനുവര്തികേണ്ട ചില മര്യാതകളും സഹ  ജീവികല്കിടയില്‍ പുലര്‍ത്തേണ്ട ചില അലിഖിത നിയമങ്ങളും അടങ്ങുന്നതാണ് സംസ്കാരം എന്ന സങ്കല്‍പം .ഈ സങ്കല്‍പം തന്നെ ആയിരികാം ഈ ചെരുപക്കാരന് പ്രജോതനമായത്. 
 
കുടുംബ ബന്ധം, സ്നേഹം, ബഹുമാനം, സദാചാരം, മാന്യത, മനുഷ്യന് ഉണ്ടായിരിക്കേണ്ട ലജ്ജ തുടങ്ങിയ ചില നേരിയ  കെട്ടുറപ്പുകളാണ് സമൂഹം എന്ന സങ്കല്‍പ്പത്തെയും യാഥാര്‍ത്ഥ്യത്തെയും നിലനിര്‍ത്തുന്നത്. ആ കെട്ടുറപ്പുകള്‍ നഷ്ടപ്പെട്ടാല്‍ പിന്നീട് സംഭവിക്കുക വ്യക്തമായ ആരാജകത്തം തന്നെ  ആയിരിക്കും. അമ്മയെന്നോ പെങ്ങളെന്നോ രാവെന്നോ പകലെന്നോ മാറ്റം ഉണ്ടായിരിക്കുകയില്ല. ആര്‍ക്കും എന്തും ചെയ്യാമെന്ന അവസ്ഥ. ഭരണ-നിയമ സംവിധാനങ്ങളെ അന്യാനമായും നീതിപൂര്‍വം അല്ലാതെയും കൈകാര്യം ചെയ്യപ്പെട്ടു കൊണ്ടിരിക്കുന്ന നമ്മുടേത് പോലുള്ള ഒരു രാജ്യത്ത്‌ ആരാജകത്തം നിലവില്‍ വന്നാല്‍ പൂര്‍ണമായ അരക്ഷിതാവസ്ഥയും കലാപങ്ങളും മാത്രമായിരിക്കും ഫലം. സാമൂഹിക നീതിയും നിയമവും സംരഷിക്കാന്‍ ഒരു പോലീസും അധികാരികളും കാണില്ല.ഉണ്ടെങ്കിലും അവരെ കൊണ്ടതിനു കഴിയില്ല എന്ന് ദിവസേന അവര്‍ തെളിയിച്ചു കൊണ്ടേ ഇരിക്കുന്നു .


   അതുകൊണ്ടു തന്നെ സമൂഹത്തിന്‍റെ ചില അടിസ്ഥാനപരമായ കെട്ടുറപ്പുകള്‍ തകര്‍ന്നു പോകാതിരിക്കാന്‍ കള്ളുഷാപ്പില്‍ ക്യൂ നില്‍ക്കുന്നവന്‍ പോലും ആഗ്രഹിക്കുന്നുണ്ട്. മദ്യശാലയില്‍ ക്യൂ നിന്ന സ്ത്രീയും അവരുടെ ഭര്‍ത്താവും ആക്ഷേപിക്കപ്പെടുകയും മര്‍ദ്ദിക്കപ്പെടുകയും ചെയ്യപ്പെട്ടത്‌ അതുകൊണ്ടായിരിക്കാം. നിയമം കയ്യിലെടുക്കുന്ന അത്തരം സംഭവങ്ങളെ ന്യായീകരിക്കുക അല്ല.

 പക്ഷെ, അതിനെ കപട സദാജാരം, സത്രീ സ്വാതന്ത്യ്രം ഹനിക്കപ്പെടുന്നു എന്നൊക്കെ പറഞ്ഞു വ്യാഖ്യാനിക്കപ്പെടുന്നതിനോട് എനിക്ക് വിയോചിപ്പുണ്ട്.കാരണം സദാജാര ബോധം ദിനം പ്രതി നഷ്ട പെട്ട് കൊണ്ടിരിക്കുന്ന, അതിനു മനപൂര്‍വം ശ്രമിക്കുന്ന മീഡിയകള്‍ വാഴുന്ന ഈ നാട്ടില്‍ കപടമായ ഒരു സദാജാര സങ്കല്‍പ്പമെങ്കിലും നിലനില്‍ക്കുന്നിലെങ്കില്‍ പിന്നെ ഇവിടെ ആര്‍ക്കും എന്തും ആയിക്കൂടെ ?